Wednesday, May 18, 2011
ഇനിയെങ്ങിനെ, എങ്ങോട്ട് ?
നോക്കിനോക്കിയിരിക്കെ
പതുക്കെ നമ്മളില്ലാതാവുന്നു
ഞാന് സൂര്യപ്രകാശത്തിലും
നീ മഞ്ഞുതുള്ളിയിലും
അലിഞ്ഞലിഞ്ഞ്
മറഞ്ഞുപോകുന്നു
നിന്നെക്കാത്തിരിക്കാന്
പുല്ക്കൊടിത്തലപ്പുകള്
പുലരികള്, ശലഭങ്ങള്
സങ്കീര്ത്തനം പാടി
പേരറിയാക്കിളികള്
ഞാനോ, സൂര്യനേത്രം പിളര്ന്ന്
ലാവാപ്രവാഹമായി
ദുരിതമൗനങ്ങളിലൂടെ
ഉരുകിയു,മുരുക്കിയും
നിന്നെത്തിരഞ്ഞെത്തുന്നു
വിരല്സ്പര്ശമെത്തും മുന്പേ
അനന്തതയില് നിന്റെ വിലയം
മോക്ഷനിരാസത്തിന്റെ പകലുകള്
ദിവസങ്ങളുടെ ഇലപൊഴിച്ചില്
ഋതുഭേദങ്ങളിലൂടെ
നിലവിളിച്ചോടുമ്പോള്
കാലിടറിയെത്ര വീഴ്ചകള്
ഭ്രാന്തരൂപകങ്ങളില്തട്ടി
ചോരയിറ്റുന്ന മുറിവുകള്
ഇനിയെങ്ങോട്ട്,
ഏതു മഴപ്പെയ്ത്തിനൊപ്പം
വീണ്ടെടുക്കാനുള്ള മടക്കം
സര്വ ശാപങ്ങളും
എനിക്കിരിക്കട്ടെ
പുലരിതോറും നീ
പുനര്ജനിച്ചേയിരിക്കുക !
Subscribe to:
Post Comments (Atom)
nice poem:::
ReplyDeleteപുലരിതോറും നീ
ReplyDeleteപുനര്ജനിച്ചേയിരിക്കുക!
Touched!